PAMBAGYAHARJA

PAMBAGYAHARJA

Assalamu’alaikum wr.wb.

Dhumatheng panjenenganipun Kepala Desa Kaliboto dalasan para perangkatipun ingkang kula urmati. Bapak Ketua RW lan RT saha para tamu undangan ingkang kinabekten. Kadang-kadang kula Karang Taruna Lestari Asri ingkang winantu ing suka basuki.

Para tamu ingkang winantu ing suka rena, mangga langkung rumiyin kula dherekaken ngaturaken puji dalasan syukur wonten ngarsanipun Gusti Ingkang Maha Agung. Awit kula lan panjenengan kaparingan kasarasan. Dene ing dinten ingkang sae punika panjenengan lan kula saged rawuh wonten acara “Halal Bi Halal” Karang Taruna Lestari Asri wonten Dukuh Ngeloasri mriki.

Para tamu undangan ingkang kula urmati, kula ngaturaken agunging panuwun ingkang tanpo upami menggah karawuhan panjenengan sami. Mugi-mugi karawuhan panjenengan ing pangajab, kula saha kadang-kadang Karang Taruna Lestari Asri kersa a hanampi sungkem saha paring pangapunten kadang-kadang Karang Taruna Lestari Asri.

Sepisan, kula minangka wakil saking kadang-kadang Karang Taruna, kathah sanget kekiranganipun awit saking menika wonten wekdal sae punika panjenengan kersa paring pangapunten dhumateng sedaya kadang-kadang Karang Taruna Lestari Asri.

Dene ingkang angka kalih, ugi saklebetipun sesambetan saha sesrawungan mbokbilih kathah sanget atur ingkang mboten ngremeni dhumateng panjenengan sedaya, Kula minangka wakil Karang Taruna ngaturaken Sugeng Riyaya, Minal Aidzin Wal Faidzin. Kula nyuwun pangapunten awit sedaya kalepatan lahir tulusing batin.

Mugi Gusti Allah paring pangapunten dhumateng panjenengan lan kula. Lan mugi-mugi sedaya dosa saha kalepatan saget kalebur wonten ing dalu puniki.Amin...

Para rawuh ingkang kula urmati, mekaten atur pambagyaharja saking kula minangka wakil saking kadang-kadang Karang Taruna Lestari Asri, mbokbilih kathah kekirangan saha kalepatan kula nyuwun agunging pangapunten. Mugi-mugi panjenengan lan kula pinaringan berkah lan hidayah saking ngarsanipun Allah SWT.

Wassalamu’alaikum wr.wb

Assalamualaikum Wr.Wb

            Dhumateng ibu kepala desa ingkang kula kurmati, bapak kepala dusun ingkang kula bekteni, ugi bapak ibu sedaya ingkang rawuh ingkang winantu ing kabagyan lan kawilujengan.

            Para rawuh ingkang winantu ing kabagyan, sakderengipun panjenengan sedaya lan kula ngawiwiti adicara punika, mangga ingkang sepisan panjenengan lan kula ngucapaken syukur dhumateng ngarsanipun Gusti ingkang Maha Kuasa awit panjenengan lan kula tansah kaparingan kasaran lan kanikmatan saengga saged makempal wonten ing mriki kangge nglampahaken adicara halal bihalal.

            Para rawuh ingkang winantu ing kabagyan, sakderengipun mlebet ing adicara utami kula ngaturaken maturnuwun amargi bapak lan ibu sedaya sampun nglonggaraken wekdal kangge rawuh  wonten ing mriki. Para rawuh ingkang winantu ing pakurmatan, sesasi kapungkur panjenengan sedaya lan kula sampun nglampahi ingih punika siam wajib kangge nglampahaken dhawuhipun Gusti Allah ingkang utami inggih punika kangge tiyang muslim. Ing wekdal punika panjenenga lan kula makempal wonten ing mriki kangge ngawontenaken silahturahmi, sami nglebur dosa dhumateng tiyang sanes. Amargi mboten wonten tiyang ingkang mboten gadhah lepat, awit punika mangga panjenengan lan kula sami ngikhlasaken ati kangge nyuwun pangapunten lan menehi pangapunten.

            Para rawuh sedaya, mugi-mugi keikhlasan kita nyuwun pangapunten saha atur pangapunten saged ndadosaken kita sedaya tiyang ingkang langkung sae, lan mugi-mugi panjenengan lan kula tansah dipunparingi berkah dening Gusti Allah supados saged pepanggihan malih ing ramadhan taun ngajeng.

            Para rawuh ingkang winantu ing kabagyan, kula kinten semanten ingkang saged kula aturaken. Sedaya saenipun inggih punika saking Allah SWT, lepatipun saking kula piyambak. Menawi lepat kula nyuwun agenging samudra pangaksami.

            Wassalamualaikum Wr.Wb